Kommunedelplan for kultur

Stord kommune har starta arbeidet med å laga ny kulturplan og i samband med dette ynskjer me dialog og innspel frå innbyggjarane i kommunen. Kulturplanen skal bli det overordna kulturpolitiske dokumentet og skal visa kva visjonar og mål Stord kommune har for utvikling av dei ulike kunst- og kulturområda i åra som kjem.

For at planen skal bli god, må ulike meiningar og ynskjer koma fram. Ei tidleg involvering av innbyggjarar og relevante aktørar er viktig for forankring av planen. Det blir invitert til ein aktiv medverknad i form av møter med det lokale kulturlivet og andre representantar frå ulike kunst- og kulturfelt, det er viktig å sikre brei medverknad frå ulike aldersgrupper.